Accueil > Evit an holl > Brezhoneg er c’hlas > Traoù bihan-bihan evit kas ar brezhoneg war-raok er c’hlas

Traoù bihan-bihan evit kas ar brezhoneg war-raok er c’hlas

lundi 30 octobre 2017, par Isabelle.

Postures verbales et corporelles de l’enseignant pour faire formuler les élèves en breton.

Traoù bihan-bihan... ya, mes pouezus-tre memestra !

Setu ur gemennadenn gant Patrick. Klokaet vo tamm-ha-tamm gant pep hini a fello d’ober.

"Kuzulioù diwar-benn tout an traoù bihan-bihan zo voiaen d’ober evit kas ar brezhoneg war-raok er c’hlasoù. Marteze e vefe bouetet ar bajennad tamm-ha-tamm gant skolaerien deuet da beuriñ."

 1. Kregiñ gant dibenn ar frazenn evit ouzhpennañ

Evit lakaat ar vugale da adlâret ur frazenn hir pe hiroc’h e c’hall bout efedusoc’h kregiñ da lakaat anezhe da adlâret fin ar frazenn da gentañ ha hiraat anezhi tamm-ha-tamm :

Da skouer : Me fell din kemer ur feltrenn ruz.

"... ur feltrenn ruz."
"... kemer ur feltrenn ruz."
"Me fell din kemer ur feltrenn ruz."

(Setu un dra m’eus desket nevez zo hag am bije bet c’hoant da c’hoût pell pell zo !)


 2. Plas an anv e-mesk an niveroù

2) Evit labourat war plas an anv e-mesk an niveroù :

Da geñver al lidoù e vez goulennet ganin pe gant ur skoliad :
"Pet bugel warn-ugent zo deuet d’ar skol hiriv ?"

ha n’eo ket :

"Pet krouadur zo deuet d’ar skol hiriv ?"

Aesoc’h e vo d’ar vugale respont :
"Tri bugel warn-ugent zo deuet d’ar skol hiriv."


 3. Resisaat an anv

3) Pa respont ur bugel :
"3 zo e-barzh ar voest." (n’eo ket bet lâret gantañ petra zo.)

e eilgerian :
"3 c’harotenn zo e-barzh ar voest." (choazet ganin un anv dic’hortoz)

c’hoarzh a vez ha buan e vez klokaet e frazenn gantañ :
"3 c’hreion zo e-barzh ar voest."


 4. Jestroù evit lakaat da ouzhpennañ

4) Evit lakaat ar vugale da hiraat o frazennoù :
Alies e ran jestroù resis pa vez savet ur goulenn ganin ha kenderc’hel a ran d’ober jestroù pa vez ar bugel o respont,
kement-mañ evit lakaat anezhañ da gompren pelec’h e vez lakaet titour nevez ar respont ha petra ne cheñch ket.

kod : O = troiñ ar biz dizehan ; X = stlakadenn bizied

Mestr : "Gant piv eo bet taolet ar podad peg ?"
OOOO X OOOOOOOOOOOOOOOOOOOOO

Bugel : "Gant yann eo bet taolet ar podad peg."
OOOO X OOOOOOOOOOOOOOOOOOOOO

Evit ar re yaouankañ hag ar skolidi nevez e vez respontet asambles gante,
evit ar re all ne vez ket kement a sikour, anat deoc’h !


 5. Respont d’ar goulenn "Petra az teus graet ?"

Evit ar re yaouankañ e kavan diaes lakaat anezhe da respont da goulennoù zo.

Evit ar goulenn
"Petra az teus graet ?" e respontomp alies gant ar stumm
"Debret am eus kig-moc’h." er vuhez bemdez.

Da lâret eo : anv-gwan-verb + am eus + renadenn-dra.
Re zisheñvel stumm ar respont.

Se zo kaoz e klaskan lakaat ar vugale da respont evel-se :
"Debriñ kig-moc’h am eus graet" ha pa vefe pompadus.


 Diechu

"Moarvat zo kalz skouerioù c’hoazh ba ma sac’h ha kalz muioc’h ba seier ar skolaerien all !"

1 Message

Répondre à cet article